Banda de Gaitas de Cea | 20 aniversario

A Banda de Gaitas de Cea (ou Banda de Cea) é unha agrupación musical de San Cristóbal de Cea (Orense, España) fundada en 1988 e posuidora do maior palmarés de todas as bandas de gaitas de Galicia. Ademais de participar nos acontecementos propios de calquera banda de gaitas (campionatos, festivais ou actuacións), a Banda de Cea colaborou, en reiteradas ocasións e desde fai máis de dez anos, co famoso gaiteiro Carlos Núñez en diferentes lugares de España e o estranxeiro.

Características

A Banda de Cea é unha formación que se encadra no marco do movemento moderno de bandas de gaitas, utilizando percusión de alta tensión e gaitas galegas marciais para as súas actuacións, concertos e desfiles. A vestimenta que utiliza está inspirada na roupa costumista que se usaba na zona a finais do século XIX.

Actuacións

Ao longo da súa historia, a Banda de Gaitas de Cea mostrou a súa música en diversos recunchos do mundo, acudindo a diversos festivais de talla internacional e a acontecementos organizados e patrocinados por particulares, concellos e asociacións. A Banda percorreu gran parte do territorio español e da xeografía europea, destacando a súa calidade musical e a excepcional acollida que o público brindoulle.

No seu periplo europeo, destacan as seguintes actuacións ao longo dos últimos anos:

En 1991 vaise a Pornichet (Francia) para a promoción do Xacobeo 93.
Participa tamén, ese ano, nos Belgium Pipe Band Championships (Hasselt, Bélxica) e actua no Centro Galego de Bruxelas.
En 1994, vaise ao Festival Interceltique de Lorient (Francia), onde se dá a colaboración en concerto co grupo Matto Congro, formado polos actuais Carlos Núñez e Berrogüetto.
Ese mesmo ano 1994, actua no programa do Nadal da cidade de Turín (Italia): concerto no Teatro Reggio da cidade e colaboración en concerto co coñecido gaiteiro bretón Patrick Mollard.
En 1995, chega ao continente americano para realizar unha xira por Venezuela, con actuacións na Casa de Galicia de Caracas e de Valencia. Tamén realiza unha actuación no congreso da FEGAEX celebrado no Caracas Hilton de Venezuela.
En 1996, realiza unha xira por Escocia e participa en Inverkeithing Highland Games, nos que recibe a medalla de prata, e en Bridge of Allan Highland Games. Ademais, celebra un concerto na School of Piping de Glasgow.
En 1997, repite no Festival Interceltique de Lorient e actúa no Festival de Legno de Cuneo (Italia).
En 2000, realiza unha longa xira pola Illas Británicas que aproveita para actuar en París, Londres,Dublín e Edimburgo. Aquí, participa no Edimburgh Millenium Piping Festival ante o Principe Carlos de Gales. Tratouse da maior concentración de gaiteiros do mundo, máis de 10.000.
En 2001, participa en Aveiro (Portugal) no Festival de Bandas e Fanfarras e, ese mesmo ano, colabora con Carlos Núñez na Gala de Elección de Miss Portugal celebrada no Casino de Estoril (Portugal).
En 2002, actúa na Feira de Mostras de Aveiro (Portugal) e participa no festival Celtica celebrado na provincia de Aosta (Italia), ao que regresaría de novo en 2003.
En 2005, participa no Fest Noz de Guingamp (Francia).

Percorrendo xa a xeografía española, a Banda de Gaitas de Cea participou en moitos eventos entre os que se atopan:

Festival das Letras Galegas en 1993 en Ermua (País Vasco),
Festival do Mundo Celta de Ortigueira en 1995,
Folk Plasencia en 1997 (onde se produciu unha nova colaboración con Carlos Núñez),
Certame Internacional de Bandas de Huesca en 1997,
Festival da Solidariedade en Miajadas (Cáceres) en 1998,
Alcuentros da Cultura Atlántica de Candás (Asturias) en 1999 e 2006,
Festival de Bandas de Gaitas de Corvera (Asturias) en 2001,
Festividade Galega de Badalona (Barcelona) en 2001,
Día de Galicia en 2007 organizado polo Centro Galego de Santander,

Colaboracións

A banda desenvolveu a súa madurez baixo a colaboración de persoas fundamentais e recoñecidas no mundo das bandas de gaitas como Antón Castro Requeixo (ex director da banda), Xosé Luís Foxo, Javier Coia, Allan Chatto, David González Outumuro ou José María Muíño.
En actuacións e cuestións musicais, colaborou con dúas dos grandes gaiteiros do panorama internacional, Patrick Mollard e o vigués Carlos Núñez.
O idilio co gaiteiro galego foi especialmente destacado, pois se iniciou no Festival Interceltique de Lorient en 1994 e aínda se alarga ata os días actuais. Esta colaboración plasmouse en máis de vinte concertos e no disco Carlos Núñez & Amigos en casa, grabado o día do 33º cumpleanos del vigués no Parque de Castrelos de Vigo ante máis de 30.000 persoas. A Banda de Gaitas Cea colaborou nise concerto, entre outros temas, na intrepretación da melodía da banda sonora da oscarizada película Mar Adentro.
Estas colaboracións con Carlos Núñez producíronse tamén noutros acontecementos, multitudinarios e espectaculares, a destacar:

O Folk Plasencia
A xira de presentación do disco Mayo Longo, celebrada en Vigo e na Coruña ante máis de 60.000 persoas,
A Gala de elección Miss Portugal en 2001,
O programa Cancións de Nadal de 2005 celebrado conxuntamente con unha orquestra de xóvenes músicos dirixida por Emilio Aragón,
O Concerto Día de Galicia celebrado na Praza da Quintana de Santiago de Compostela no ano 2002,
O Concerto Solidario cos afectados pola Marea Negra celebrado en Vigo no Nadal de 2002,
O concerto de presentación do seu disco Almas de Fisterra na sala La Riviera de Madrid,
A súa Xira Galega de 2005 y 2006,
O XX Aniversario da Casa Galega de Hospitalet de Llobregat en decembro de 2007