www.concellodecea.com

Estimados Veciños e Veciñas:

Quero facelos partícipes novamente da vida social e cultural deste Concello, a través das iniciativas que lles presentamos na Axenda Cultural para os meses de abril, maio e xuño.

Cada unha das accións propostas, están pensadas a partir das necesidades e intereses dos homes e mulleres deste Concello, e pretenden estimular a participación de toda a poboación.

Conscientes da importancia das novas tecnoloxías, poñemos á disposición dos veciños e veciñas a nosa páxina web www.concellodecea.com, para a consulta dun amplo abano de información acerca do concello en tempo real (últimas novas, fotografías de eventos, servicios, axudas, actividades, etc). Aquelas persoas que non dispoñan de internet poden acceder de maneira gratuíta dende o telecentro Municipal, sito no Edificio Multiusos.

Por todo isto animo a tódolos veciños e veciñas das diferentes parroquias, a participar en tódalas actividades, e como non, a seguir plantexando as súas inquedanzas, para impulsar o crecemento sociocultural do noso Municipio.

Quedando á súa disposición, reciban un cordial saúdo do Alcalde,

José Luis Valladares.