O campo de fútbol municipal de O Lodairo vaise xestando tras a gran afección que ao balompé existe pola zona. Coa suor dos novos futbolistas da época e dos lexendarios socios do clube de por aquel entón o soño de ter un campo de fútbol aos poucos foise facendo realidade.
Hoxe, o campo conta cun terreo de xogo de terra en perfecto estado, unha bancada con catrocentas butacas independentes e con tres fileiras de asentos non independentes, tres vestiarios en moi bo estado, un bar como parte do local social de CD Cea e unha iluminación digna dun estadio de maior categoría con catro torreóns e catro focos de gran potencia en cada un deles.
En O Lodairo adestra durante todo o ano e xogan os seus partidos como locais CD Cea e as súas categorías inferiores.
Esporadicamente o campo é utilizado para encontros doutros clubes.
