Velorio Municipal...

Desde Xuño de 2007, o Concello de San Cristovo de Cea ofrece como servizo a todos os veciños de Cea o Velorio Municipal. Pensado, ideado e construído tras a gran demanda existente e tras ser visto como unha necesidade ansiada polos veciños do noso concello, constrúese un moderno edificio na zona de O Lodairo equipado con todo o necesario para cumprir a normativa vixente en canto a este tipo de instalacións e convértese desta forma no primeiro Velorio Municipal da Comarca destas dimensións. Almacén, servizos para persoal, sala de preparación, servizos ao público, un extenso hall e dúas salas de gran tamaño forman as instalacións. O prezo do servizo para veciños e veciñas empadroados é de 100 €. O prezo do servizo para non empadroados é de 200 €. Así mesmo os que teñan subscrito un seguro de decesos a compañía abonase 200 € por servizo.