 |
Neste apartado iremos dando conta dun ceense que desinteresadamente (O Consello Regulador da IXP Pan de Cea e o Concello de Cea a través desta web compránronlle os uniformes) promociona a nosa terra e o noso Pan por todo o terrotorio nacional e moi pronto tamén internacionalmente.
Unha iniciativa da que todos nos debemos sentir orguiosos,
Iremos poñendo a modo de noticiario as diferentes probas nas que participa, todo elo escrito polo propio protagonista e ilustrado. Agardamos que vos guste a iniciativa e se o considerades oportuno podedes deixar mensaxes de apoio ó deportista no libro de visitas.
26/09/2009 | Media Maratón Ruta del Vino Somontano - Barbastro (Novo!)
Sábado 26 de setembro do corrente. Sobre as tres da tarde, e con unha máis que apurada siesta, partimos dirección Huesca (80 km.); para logo tomar a carretera que chega ata Lérida. A medio camiño atópase o noso destino: Barbastro. Unha vila coma O Carballiño en canto a volumen, que está ó abrigo dos Pirineos, moi cerca da “Sierra de Guara”. Despóis duns 170 kilómetros, chegamos co tempo xusto para recoller os dorsais e quentar un pouquiño. Fai calor e hai unha chea de xente. (Máis de 700 inscritos).
Isto das carreiras é moi cambiante: tan ben vas a un triatlón ou a cen carreiras (léase Madrid, San Sebastián, Sevilla,…), e de súpeto, nun rinconciño dos Pirineos, atópaste con xente como Martín Fiz, o “Induráin” do Atltetismo neste país. Bueno, ás seis en punto da tarde dase o disparo de saída e hai que estar atentos para colocarse ben para coller pronto un bó ritmo de carreira. O trazado ten unha rampa duns 300 metros á saída da vila, isto comezou a seleccionar a carreira. Hai que ter en conta que, aínda que sexan 21,097 kms., a media maratón é unha carreira rápida o que supón sufrir, sufrir, e sufrir.
Saímos da Vila e a 11 kms. dabamos a volta. Mentras tanto, Nuria (a miña fotógrafo particular), paseaba por Barbastro.
Finalmente, e co sol caendo por tras de nós, enfiabamos a recta de meta cun último sprint esprimindo ata as 190 pulsacións, (¡pra morrer!). A recta picaba lixeiramente arriba, como nas grandes citas, mais iso non foi problema para batir unha marca que facía tempo que se me resistía; 1 hora 46’ 30”. O tempo real 1 hora 45’ 16” !!!
A seguinte cita, a maratón de Ourense. O día 18 de Outubro (Domingo), ás 9:00 dase a saída, e o trazado consta de tres voltas polas ribeiras do Miño, entre a pasarela de Outariz e a presa de Velle, con chegada na Ponte Vella. É unha boa ocasión para vivir de cerca o bo ambiente que se vive neste tipo de carreiras,…. e máis para animar a un veciño, ¿non?...
Galería fotográfica da proba, click en cada imaxe amplía
09/08/2009 | XIV Triatlón Olímpico Club Natación Pamplona
Esta vez enfrentámonos a unha distancia xa respetable.
Saímos de Zaragoza ás 7 da mañá para chegar a Pamplona co tempo xusto para meter a bici en bóxes e quentar o xusto. Por sorte, o día está nublado e pinta ben para o calvario que nos espera…
Saen primeiro as donas e, 5 minutos despois, os homes para completar os 1500 metros de natación que trascurriron no río Arga. Facía frío, pero logo pasou.
En total 160 inscritos, xa veredes cantos acabamos…Pasados 38 minutos completo o 1º segmento e diríxome correndo a boxes, non sin antes esbarar nas escaleiras ó sair da auga; casi acaba alí a carreira…
A transición faise dura porque, saes da auga coa cabeza zumbando coma unha abella e teñen que pasar uns minutos hasta que recuperas o equilibrio, pero todo isto ocurre
mentras estas preparándote para saír na bici…!Na bici, nada máis empezar, casi 3 Km de subida e un montón de rotondas; o resto, contínuas subidas e baixadas. No km 20 damos a volta para regresar e…, ¡ SORPRESA ¡
Un vento de cara fortísimo. Con razón o ciclismo é o deporte máis escravo que existe, palabra.
Por fin chego á derradeira transición e salo ó circuito para dar tres voltas correndo e así, completar os 10 km do segmento a pé.
Finalmente entro en meta cun tempo de 2h.58’ , (pouco máis que o primeiro).
Por certo,estuven con aguxetas ata o mércores seguinte.
Galería fotográfica da proba, click en cada imaxe, amplía.
04/07/2009 | Triatlón Sprint “RETO DEL EBRO” Tudela (Navarra)
Primeira cita deportiva coa nova equipación con que imos a competir por todas partes de España, (e parte do estranxeiro).
O deporte de triatlón é un compendio de disciplinas que se disputa sobre varias distancias: super-sprint (300-10-2,5); sprint (750-20-5); olímpico (1500-40-10);…e así ata chegar á proba reina. O Iron Man (4000-180-42).
Este ano decidín empezar dende abaixo, para asimilar mellor a preparación necesaria para afrontar con garantías este tipo de carreiras. Ata fai cousa de un ano só me
dedicaba a correr:…maratón, 1/2 maratón, etc., pero esto do triatlón é demasiado divertido como para deixalo pasar.
En Tudela, a saída do segmento de natación (750m.), deuse ás 18:00. Tivemos que describir a traxectoria dun triángulo rectángulo no río Ebro que, aínda que sexa Verán, ten unhas correntes fortísimas.
De seguido, o tramo de bicicleta. Dúas voltas sobre u
n trazado de 10 Km. Con vento en contra á volta.
Aquí perdín algo de tempo porque, para entrar en boxes e coller a bici, trabuqueime de sentido e os xuices ensináronme tarxeta amarela, (coma no fútbol) ; mais despois recuperei posicións.
E finalmente…, a correr!!!! 5 Km. e acabouse o sufrimento. Fai un calor abafante e urxe meterse na ducha.
A entrada en meta, coma sempre apoteósica . Tempo final:1h.32’. ¡ Ata outra!
(click nas imaxes amplía)
