12.06.2015 .- Pasado o período electoral, retomamos a actividade normal da web para seguir mantendo informados a veciños e visitantes de todo canto acontece no noso Concello e de todo canto estamos nos mesmos informados, por iso pregamos que calquera nova que se considere de interese, sexa enviadaao noso contacto electrónico para poder publicala.

Desde o Concello de San Cristovo de Cea e desde o Consello Regulador da IXP Pan de Cea levamos meses traballando na XXIV Festa do Pan de Cea, por iso xa en febreiro presentamos o cartel oficial que se poderá ver xa desde o vindeiro fin de semana en rúas e establecementos comerciais tentanto ubicalos en lugares visibles e apropiados.

25.05.2015.- Onte domingo 24 de maio de 2015 celebráronse no noso Concello Eleccións Municipais, cos datos que a continuación reflexamos.

Escrutado: 100%

Total votantes: 1.645 (76,30%)
Abstención: 511(23,70%)
Votos nulos: 24 (1,46%)
Votos en branco: 22 (1,36%)

15.03.2015 .- Estamos a compartir nas nosas Redes Sociais unha serie de fotografias que denominamos "Pobo a Pobo", na que estamos a publicar fotos de tódolos pobos do Concello. 

A iniciativa, polo de agora, está a resultar todo un éxito con numerosas interaccións nas mesmas. De momento estamos coa parroquia de Oseira e, entre todas as fotos compartidas, destaca unha que recibiu a día de hoxe máis de 7.000 visitas con unhas 800 interaccións, entre Me Gusta, comentarios e imaxe compartida.

Deixámola aquí, anunciando un novo apartado nesta web que conterá todas esas imaxes cando teñamos o propio máis avanzado.

preme na imaxe para ampliar

09.03.2015 .- Onte, 8 de marzo celebrábase o Día Internacional da Muller Traballadora, e en Cea por iniciativa da Asociación de Mulleres Rurais Maximino e Melania, coa colaboración do Concello de San Cristovo de Cea, realizouse un acto conmemorativo no Campo da Saleta da capital do Concello.

Adxuntamos un par de imaxes, que se amplían o premelas e un video de dito acto.

 

 

 

04.03.2015 .-  Con catro meses de antelación, adiantamos en exclusiva o Cartel Oficial da XXIV Festa de Exaltación do Pan de Cea. 

A publicación con tanta antelación ven dun acordo co Consello Regulador da IXP Pan de Cea, no que se decidiu sacalo con tanta premura para poder aproveitar as facilidades actuais que as novas tecnoloxias aportan en canto a promoción e de paso, poder expoñelo xa en diferentes Feiras e Festas Gastronómicas nas que o Pan de Cea está presente.

En Xantar, esta semana, xa se poderá ver nunha exposición de carteis de Festas Gastronómicas e no propio stand do Consello Regulador da IXP Pan de Cea. Lembramos que Xantar é un Salón Internacional de Gastronomía, que se celebra en Ourense e que ten 40.000 visitantes aproximadamente (edición 2014), polo que consideramos que é importante estar xa alí presente o cartel.

Agardamos que vos guste

08.03.2015 .- O pasado luns iniciaronse as obras de mellora do acceso ao Polígono Industrial de Cea. Obra pola que o Alcalde e o equipo de goberno leva anos loitando e que, por fin comeza a facerse realidade. 

A difícil situación económica actual non foi obstáculo para poder obter financiación  a través da Xunta de Galicia, para dar, desta forma, un importante impulso o tecido empresarial do noso Concello.

Xa desde que se iniciaron os primeiros trámites para poder darlle forma a esta iniciativa, bastantes empresas se amosaron interesadas en poder instalarse en Cea, dado que está ubicado nunha situación ideal, polas comunicacións existentes e estar en pleno corazón de Galicia.

02.03.2015.- O exitoso cantante madrileño Alejandro Sanz elixiu o Mosteiro de Oseira como lugar principal do seu novo videoclip.  Hoxe estreouse a nivel mundial e xa nas redes sociais se pode ver o traballo.

O Mosteiro de Oseira sae en casi todo o video lucindo imaxes orixinais e tratadas con gran respeto. Desde esta web felicitamos ao cantante e á productora polo traballo realizado, e agradecemos que escolleran Oseira, un lugar tan emblemático do noso Concello 

24.02.2015.- Engadimos un video da Festa Infantil de Entroido en Alta Definición para que quede de lembranza dunha tarde tan fermosa. Agardamos que vos guste.

 

19.02.2015 .- 62 fotografías da Festa Infantil celebrada no Edificio Multiusos Municipal, celebrada o pasado luns, 16 de febreiro, dispoñibles no noso apartado As Nosas Fotos. Tamén podedes velas premendo na foto que segue.

Estamos a preparar un video de máis de 40 minutos deste acto, que agardamos poder compartir en breve. 

preme na foto para entrar na galería

19.02.2015 .- Compartimos as fotos da Chocolatada de Entroido na Praza Maior do pasado luns, 16 de febreiro. Entroidos e asistentes puderon compartir unha tarde agradable coa presenza da Carroza da Asociación local Os Picapiezas, que parodiaban, este ano, a exitosa "8 Apelidos Vascos".

Para velas fotos, preme na que segue: