04.03.2015 .-  Con catro meses de antelación, adiantamos en exclusiva o Cartel Oficial da XXIV Festa de Exaltación do Pan de Cea. 

A publicación con tanta antelación ven dun acordo co Consello Regulador da IXP Pan de Cea, no que se decidiu sacalo con tanta premura para poder aproveitar as facilidades actuais que as novas tecnoloxias aportan en canto a promoción e de paso, poder expoñelo xa en diferentes Feiras e Festas Gastronómicas nas que o Pan de Cea está presente.

En Xantar, esta semana, xa se poderá ver nunha exposición de carteis de Festas Gastronómicas e no propio stand do Consello Regulador da IXP Pan de Cea. Lembramos que Xantar é un Salón Internacional de Gastronomía, que se celebra en Ourense e que ten 40.000 visitantes aproximadamente (edición 2014), polo que consideramos que é importante estar xa alí presente o cartel.

Agardamos que vos guste

08.03.2015 .- O pasado luns iniciaronse as obras de mellora do acceso ao Polígono Industrial de Cea. Obra pola que o Alcalde e o equipo de goberno leva anos loitando e que, por fin comeza a facerse realidade. 

A difícil situación económica actual non foi obstáculo para poder obter financiación  a través da Xunta de Galicia, para dar, desta forma, un importante impulso o tecido empresarial do noso Concello.

Xa desde que se iniciaron os primeiros trámites para poder darlle forma a esta iniciativa, bastantes empresas se amosaron interesadas en poder instalarse en Cea, dado que está ubicado nunha situación ideal, polas comunicacións existentes e estar en pleno corazón de Galicia.

02.03.2015.- O exitoso cantante madrileño Alejandro Sanz elixiu o Mosteiro de Oseira como lugar principal do seu novo videoclip.  Hoxe estreouse a nivel mundial e xa nas redes sociais se pode ver o traballo.

O Mosteiro de Oseira sae en casi todo o video lucindo imaxes orixinais e tratadas con gran respeto. Desde esta web felicitamos ao cantante e á productora polo traballo realizado, e agradecemos que escolleran Oseira, un lugar tan emblemático do noso Concello 

24.02.2015.- Engadimos un video da Festa Infantil de Entroido en Alta Definición para que quede de lembranza dunha tarde tan fermosa. Agardamos que vos guste.

 

19.02.2015 .- 62 fotografías da Festa Infantil celebrada no Edificio Multiusos Municipal, celebrada o pasado luns, 16 de febreiro, dispoñibles no noso apartado As Nosas Fotos. Tamén podedes velas premendo na foto que segue.

Estamos a preparar un video de máis de 40 minutos deste acto, que agardamos poder compartir en breve. 

preme na foto para entrar na galería

19.02.2015 .- Compartimos as fotos da Chocolatada de Entroido na Praza Maior do pasado luns, 16 de febreiro. Entroidos e asistentes puderon compartir unha tarde agradable coa presenza da Carroza da Asociación local Os Picapiezas, que parodiaban, este ano, a exitosa "8 Apelidos Vascos".

Para velas fotos, preme na que segue:

14.02.2015 .- Onte diante do Colexio Público Virxe da Saleta celebrouse unha concentración a favor da Xornada Única no Centro. Esta actuación promovida pola comunidade educativa recibiu o respaldo do Concello de Cea, coa presenza do Alcalde, que manifestou, que "O Concello de Cea e o Alcalde estarán, sempre, a favor do que reclamen os alumnos e os pais do Colexio de Cea, que o Concello e el mesmo están a disposición deles para o que precisen, e que o que sexa bo para alumnos e pais de alumnos será bo para Cea"

  

preme en cada imaxe para ampliar

14.02.2015 .- Xa están as fotos da Festa de Entroido da Gardería Municipal subidas á nosa galería en Flickr. Podedes velas no enlace da dereita e premendo na foto que poñemos ó rematar a noticia. Por primeira vez usamos un sistema multicámara, que agardamos sexa do voso agrado. Como poderedes comprabar son 72 imaxes para que quede o recordo de tan entrañable evento.

14.02.2015 .- Engadimos un video da Festa de Entroido de onte dos nenos da Gardería Municipal de Cea (Punto P.A.I.), en alta definición. 

A verdade, é que da gusto ver aos mais cativos do noso Concello. Agardamos que sexa do voso agrado.

12.02.2015.- Mañá, venres, 13 de febreiro, ás 15:30 horas, haberá unha Concentración diante do Colexio Público para pedir a xornada única en dito centro.

O Concello de San Cristovo de Cea apoia sempre, á Comunidade Educativa do noso Colexio.

preme na imaxe para ampliar